വടുവന്ചാല്: മേപ്പാടിയില്നിന്നു 13 കിലോമീറ്റര് അകലെയുള്ളതും കേരള- തമിഴ്നാട് സംസ്ഥാനങ്ങളുടെ അതിര്ത്തി പ്രദേശവുമായ വടുവന്ചാലില് പോലീസ് സ്റ്റേഷന് അനുവദിക്കണമെന്ന് വ്യാപാരി വ്യവസായി ഏകോപന സമിതി യൂണിറ്റ് ജനറല് ബോഡി യോഗം സര്ക്കാരിനോട് ആവശ്യപ്പെട്ടു.
മീന്മുട്ടി വെള്ളച്ചാട്ടം, നീലിമല വ്യൂ പോയിന്റ്, സണ്റൈസ് വാലി എന്നീ ടൂറിസ്റ്റ് കേന്ദ്രങ്ങള് സുരക്ഷാക്രമീകരണങ്ങള് ഏര്പ്പെടുത്തി തുറന്നുപ്രവര്ത്തിപ്പിക്കണമെന്ന ആവശ്യവും ഉന്നയിച്ചു. ജില്ലാ പ്രസിഡന്റ് ജോജിന് ടി. ജോയി ഉദ്ഘാടനം ചെയ്തു. യൂണിറ്റ് പ്രസിഡന്റ് വി.പി. അബ്ദുള്ഖാദര് അധ്യക്ഷത വഹിച്ചു. ബിനു വര്ഗീസ് പ്രസംഗിച്ചു. എസ്എസ്എല്സി, പ്ലസ് ടു പരീക്ഷകളില് ഉന്നത വിജയം നേടിയ പ്രദേശവാസികളെയും പൈലറ്റ് ഭാഗ്യലക്ഷ്മി പാടിവയലിനെയും ആദരിച്ചു. നിര്ധന രോഗികള്ക്ക് ചികിത്സാസഹായം നല്കി.
ഭാരവാഹികളായി വി.പി. അബ്ദുള്ഖാദര്(പ്രസിഡന്റ്), എം. മുരളീധരന്, പി.ആര്. സജിത്ത്, വി.എന്. ശശീന്ദ്രന് (വൈസ് പ്രസിഡന്റുമാര്), പി. ബാലസുബ്രഹ്മണ്യന്(ജനറല് സെക്രട്ടറി), കെ.പി. അഫ്സല്, കെ. ഷാനിബ്, കെ.എച്ച്. ഹസന്(ജോയിന്റ് സെക്രട്ടറിമാര്), ബിനു വര്ഗീസ്(ട്രഷറര്)എന്നിവരെ തെരഞ്ഞെടുത്തു.
E-paper LOGIN
LOGIN
